WwW.SEVILDIY.TK BIZIMLƏ OLAN DARİXMAZ

Dima Bilan Bakıya gəlir - Video

elmar-2 — Wed, 05 Dec 2012 14:35:55 GMT

Dima Bilan Bakıya gəlir - Video

05 Dekabr 2012 [15:48] - Şou-biznes

Dima Bilan

Rusiyanın populyar ifaçısı Dima Bilan Bakıya gəlir.

Konsertin təşkilatçısı Samir Xəttab 3W.SEVILDIY.TK-a açıqlamasında Dima Bilanla danışıqlar aparıldığını və razılıq alındığını deyib.

"Dima Bilanın konsertində iştirak etmək istəyən hər kəs biletləri 50% endirimlə əldə edə biləcək. Bir də ki, 100 nəfərin məşhur müğənninin konsertinə pulsuz bilet əldə etmək imkanı olacaq. 3 nəfər isə Dima Bilanla görüşmək şansı qazanacaq”.

Samir Xəttab Dima Bilanın konsertinin tarixini, hələlik, açıqlamayıb.

ADTGT nümayəndəsi Budapeştdə keçirilən beynəlxalq təlimdə iştirak edir

elmar-2 — Wed, 05 Dec 2012 14:30:51 GMT

ADTGT nümayəndəsi Budapeştdə keçirilən beynəlxalq təlimdə iştirak edir

Şrift ölçüsü 05 Dekabr 2012 [18:22] - Yeni nəsil

Dekabrın 2-9-dək Macarıstanın paytaxtı Budapeştdə "Biz bərabər iştirak üçün birlikdə çətinliklərin öhdəsindən gələ bilərik” layihəsi həyata keçirilir.

Gün.Az xəbər verir ki, layihə Avropa Şurası Avropa Gənclər Mərkəzinin təşkilatçılığı və Azərbaycan Respublikası Gənclər Təşkilatları Milli Şurasının (ARGTMŞ) partnyorluğu ilə baş tutub.

Layihənin məqsədi miqrant, qaçqın, sığınacaq axtaran və məcburi köçkün olan gəncləri və bu sahədə işləyən QHT-lərin liderlərini bir araya toplamaqdır. Bununla da ayrı-seçkiliyə qarşı mübarizə aparmaq məqsədi ilə onların bilik və bacarıqlarını artırmaqdır.

Layihə çərçivəsində miqrantların, qaçqınların, sığınacaq axtaranların və məcburi köçkünlərin üzləşdiyi əsas çətinliklərin aradan qaldırılması və onların hüquqlarının qorunması istiqamətində müzakirələr aparılır.

Qeyd edək ki, 10-dan artıq ölkənin bu istiqamətdə çalışan gənclərin, QHT-lərin iştirak etdiyi beynəlxalq təlimdə Azərbaycan Demokratik Tələbə Gənclər Təşkilatı (ADTGT) İdarə Heyətinin üzvü Anar Həsənli də iştirak edir.

Bakıda Azərbaycan-Macarıstan işgüzar görüşü keçirilib

elmar-2 — Wed, 05 Dec 2012 14:28:18 GMT

Bakıda Azərbaycan-Macarıstan işgüzar görüşü keçirilib

05 Dekabr 2012 [13:35] - İqtisadiyyat

Bakı şəhərində Azərbaycan-Macarıstan işgüzar görüşü baş tutub.

Gün.Az-ın verdiyi xəbərə görə, tədbirdə rəsmi sahələrlə yanaşı qida sənayesi, kənd təsərrüfatı, maliyyə, tikinti, turizm və digər sahələrdə fəaliyyət göstərən iş adamları iştirak edib.

Görüşdə çıxış edən iqtisadi inkişaf naziriŞahin Mustafayev iki ölkə arasında möhkəm qanunvericilik bazası olduğunu deyib. Bu günədək o ölkələr arasında iqtisadi sahədə əməkdaşlığın inkişafı da daxil olmaqla müxtəlif sahələr üzrə 30-a yaxın sənədin imzalandığını deyib.

"Ötən il iki ölkə arasında ticarət dövriyyəsi 2,6 dəfə artıb. Azərbaycanda Macarıstan kapitallı 4 şirkət fəaliyyət göstərir”.

Bildirək ki, bu il Macarıstanın tikinti, yük maşınlarının istehsalı, məişət tullantılarının idarə olunması, turizm, aviadaşımalar və.s sahələrdə fəaliyyət göstərən şirkətlərin nümayəndələri Azərbaycanda olub, müxtəlif sahələrdə əməkdaşlıq barədə ilkin razılaşmalar əldə edilib.

Macarıstanın xarici işlər və xarici iqtisadi əlaqələr üzrə dövlət katibi Peter Siyarto ölkəsinin Azərbaycanla əməkdaşlığın genişləndirilməsində maraqlı olduğunu, əlaqələrin bundan sonra yüksələn xətlə inkişaf edəcəyinə əminliyini deyib və iş adamlarını fəal əməkdaşlığa dəvət edib.

O, Azərbaycanla kənd təsərrüfatı, turizm, dəmiryollarının tikintisi, neft-qaz sahəsində əməkdaşlıq etmək niyyətindədir. O, qeyd edib ki, iki ölkə arasında birbaşa aviareyslərin yaradılması məsələsinin nazirlə göruşdə müzakirə edilib.

Azərbaycanın dövlət büdcəsi Ermənistanın büdcəsini təxminən 9 dəfəyədək üstələyir

elmar-2 — Wed, 05 Dec 2012 14:25:01 GMT

Azərbaycanın dövlət büdcəsi Ermənistanın büdcəsini təxminən 9 dəfəyədək üstələyir

Şrift ölçüsü 05 Dekabr 2012 [16:52] - İqtisadiyyat

Ermənistan parlamenti ölkənin 2013-cü ilə olan dövlət büdcəsini təsdiq edib.

Ermənistan parlamenti ölkənin 2013-cü ilə olan dövlət büdcəsini təsdiq edib.

3W.SEVILDIY.TK-ın verdiyi xəbərə görə, Ermənistanın dövlət büdcəsi haqqında qanun layihəsinə əsasən 2013-cü il dövlət büdcəsinin gəliri 1 trln. 32 mlrd. dram ( təxminən 3,3 milyarda ABŞ dolları )., xərcləri 1 trln. 152 mlrd. dram (təxminən 3,7 milyard ABŞ dolları) təşkil edir.

Qeyd edək ki, Ermənistanın dövlət büdcəsi ötən həftə Azərbaycan parlamentinin qəbul etdiyi 2013-cü il üçün dövlət büdcəsi ilə müqayisəyə gəlməzdir.

Azərbaycanın dövlət büdcəsinin gəlirləri təxminən 24,5 mlrd. ABŞ dollar, xərcləri isə təxminən 25,4 mlrd. ABŞ dolları təşkil edir.

İndiki halda iki ölkənin dövlət büdcəsini yox, Azərbaycanın təkcə hərbi büdcəsi ilə Ermənistanın ümumi dövlət büdcəsini müqayisə etmək rəqəmlər baxımından daha doğru olar.

Belə ki, Ermənistanın ümumi dövlət büdcəsi təxminən 3,3 milyard dollar olduğu halda, Azərbaycanın elə təkcə hərbi büdcəsi bundan bir qədər az, yəni iki milyard dollara yaxındır.

Ümumilikdə isə Azərbaycanın 2013-cü il dövlət büdcəsi Ermənistan dövlət büdcəsini 9 dəfəyədək üstələyir.

Bu gün Beynəlxalq Könüllülər Günüdür

elmar-2 — Wed, 05 Dec 2012 14:20:32 GMT

Bu gün Beynəlxalq Könüllülər Günüdür

05 Dekabr 2012 [10:52] - Sosial

Bu gün 5 Dekabr – Beynəlxalq Könüllülər Günüdür.

1985-ci ildə iqtisadi və sosial inkişaf naminə hər il 5 dekabr BMT-nin Baş Məclisi tərəfindən Beynəlxalq Könüllülər Günü kimi qeyd edilməsi təklif olunub və həmin tarixdən bu gün qeyd olunur.

Könüllülük – öz iradəsi və sərbəst seçimi əsasında əvəzi ödənilməyən fəaliyyəti həyata keçirən şəxsdir:

"Azərbaycan Könüllülər” İctimai Birliyinin prezidenti İmaməddin Quliyev Gün.Az-a bildirib ki, könüllülüyün məqsədi tapşırıqları yerinə yetirmək, fərdlərə və ya ictimai təşkilatlara maliyyə dəstəyi olmadan, fədakarcasına, insanların rifahını inkişaf etdirmək və yaxşılaşdırmaqdan ibarətdir:

"Bu öz maraqları, şəxsi bacarıqları və öyrənmə vasitəsilə cəmiyyətə xidmət göstərilməsidir ki, qarşılığında pul əvəzinə özünə dəyər və hörmət hissi qazanılır.

Könüllülük həm də bacarıqların inkişafı, sosiallaşma və əyləncə növüdür. Bu, həmçinin mümkün məşğulluq və digər başqa səbəblərə görə nəzərdə tutulan əlaqə vasitəsidir”.

Ölkəmizdə gənclərin fəaliyyətində könüllülük xüsusi yer tutur və bu sahəyə maraq olduqca böyükdür. Bu gün Azərbaycanda könüllülər daha çox ölkəmizdə fəaliyyət göstərən QHT-lər, xüsusən də gənclər təşkilatları ətrafında birləşiblər.

Eyni zamanda xüsusilə qeyd etmək lazımdır ki, MDB ölkələri arasında ilk dəfə olaraq könüllülüklə bağlı qanun məhz Azərbaycanda qəbul edilib.

Prezident İlham Əliyevin Sərəncamı əsasında hazırlanan "Azərbaycan gəncliyi 2011-2015-ci illərdə Dövlət Proqramı”nın 6.5.9-cu bəndində "Gənclər arasında könüllülük hərəkatının təbliğ olunması və bu istiqamətdə beynəlxalq gənclər proqramının imkanlarından istifadə edilməsi” xüsusilə qeyd olunub.

"Azərbaycan Könüllülər” İctimai Birliyi olaraq Azərbaycanda könüllülük işinin inkişafı və əsasən gənclərdən ibarət könüllülər hərəkatının yaradılması, vətəndaş cəmiyyəti quruculuğuna təkan vermək, sosial, iqtisadi, ekoloji problemlərin aradan qaldırılmasına töhfə vermək və Azərbaycan könüllülərinin beynəlxalq inteqrasiyanın təmin edilməsi məqsədilə beynəlxalq əməkdaşlığın qurulması üçün çalışmaqdayıq.

Üzvlərimiz ölkədə və ölkədən kənarda keçirilən müxtəlif beynəlxalq tədbirlərin təşkilində fəal iştirak edirlər.

Azərbaycan gəncləri könüllü olaraq həm yerli, həm də beynəlxalq tədbirlərdə aktivliyi və marağı günü-gündən artmaqdadır. Bildiyiniz kimi bu il ölkəmizdə keçirilən "Eurovision” mahnı müsabiqəsi, yeniyetmələr arasında sərbəst, yunan-Roma, qadın və çimərlik güləşi üzrə Dünya Çempionatı və FİFA U-17 qadınlararası Dünya Çempionatı keçirilib və bu böyük beynəlxalq tədbirlərin təşkilində təşkilatımızın fəalları aktiv olaraq iştirak ediblər.

Məlumat üçün bildirək ki, Avropa İttifaqının Avropa Komissiyasının 2007-2013-cü illəri əhatə edən "Gənclər fəaliyyətdə” proqramı fəaliyyət göstərir və bu proqramın ikinci "Avropa Könüllülük Xidməti” adlanan maddəsində könüllülərin fəaliyyəti olduqca böyükdür. Bu proqram vasitəsilə həm ölkəmizdən, həm də Avropa ölkələrindən müxtəlif layihələrə könüllülər cəlb olunur.

Könüllü fəaliyyətin inkişaf etdirilməsi ilə bağlı olaraq təşkilatımız tərəfindən könüllülüklə bağlı layihələr hazırlanır və təlimlər keçirilir. Bu yaxınlarda "Azərbaycan Könüllülər” İctimai Birliyinin yeni rəsmi web-səhifəsi www.avpu.az istifadəyə verilib. Bu saytın "könüllü ol” bölməsindəki elektron ərizə formasını doldurmaqla gənclər könüllü olmaq üçün müraciət edirlər.

İndiyə qədər buraya 100-dən çox gənc müraciət edib. Biz onların müraciətlərinə baxdıqdan sonra könüllülüklə bağlı təlimlərə cəlb edirik.

Sonda istərdik ki, gənclərimizin sosial təcrübənin qazanılmasında könüllü fəaliyyətə xüsusi diqqət yetirsinlər və gələcəkdə ölkənin inkişafına öz töhfəsini verməklə yanaşı istedadlı gənclər kimi formalaşsınlar”.

Mirvari Kamilqızı

Metro tikintisi ilə bağlı Bakının bir küçəsi bağlanacaq

elmar-2 — Wed, 05 Dec 2012 14:16:34 GMT

Metro tikintisi ilə bağlı Bakının bir küçəsi bağlanacaq

05 Dekabr 2012 [17:19] - Sosial

Metro tikintisi ilə əlaqədar Bakıda küçələrdən biri bağlanacaq

Dekabrın 5-dən 6-na keçən gecə saat 00:00-da Bakı Metropoliteninin yeni Bənövşəyi xəttinin "B-3” stansiyasının tikintisi ilə əlaqədar Hərbi Hospitalın qarşısında yerləşən Ceyhun Səlimov küçəsinin bir hissəsi tikinti müddətinə bağlanacaq.

Bu barədə Bakı Metropolitenindən 3W.SEVILDIY.TK-a məlumat verilib.

"Metropoliten rəhbərliyi müvəqqəti narahatlığa görə üzr istəyir”.

Qeyd edək ki, "Bakı Metropoliteni Xətlərinin Konseptual İnkişaf Sxemi” və "Bakı Metropoliteninin 2011-2015-ci illərdə inkişafına dair Dövlət Proqramı”na uyğun olaraq hazırda Bənövşəyi xəttinin "Avtovağzal” və "Memar Əcəmi” stansiyalarının inşası davam etdirilir.

Bənövşəyi xəttin "Memar Əcəmi-2” stansiyası 2013-cü ildə istismara verilməlidir.

İlham Əliyev Tailand Kralını təbrik edib

elmar-2 — Wed, 05 Dec 2012 14:11:21 GMT

İlham Əliyev Tailand Kralını təbrik edib

Şrift ölçüsü 04 Dekabr 2012 [19:57] - Rəsmi

Azərbaycan Prezidenti İlham Əliyev Tailand Kralı Bhumibol Adulyadejə təbrik məktubu ünvanlayıb.

3W.SEVIlDIY.TK xəbər verir ki, məktubda deyilir:

"Tailand Krallığının milli bayramı - Təvəllüd gününüz münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimizi yetirirəm.

Ümidvaram ki, Azərbaycan ilə Tailand arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir. Bu əlamətdar gündə Sizə möhkəm cansağlığı, işlərinizdə uğurlar, dost Tailand xalqına sülh və firavanlıq diləyirəm".

Edita Pyexa 53 illik fasilədən sonra Bakıda konsert verdi

elmar-2 — Wed, 05 Dec 2012 14:06:09 GMT

Edita Pyexa 53 illik fasilədən sonra Bakıda konsert verdi

SSRİ-nin xalq artisti, əfsanəvi estrada ifaçısı, aktrisa Edita Pyexa Heydər Əliyev Sarayında konsert proqramı ilə çıxış edib.

Gün.Az xəbər verir ki, sənətçi yaradıcılığının 55 illiyinə həsr olunan konsert turları çərçivəsində dekabrın 4-də azərbaycanlı tamaşaçılar qarşısında oxuyub.
O, Bakı səhnəsində anadan olmasının 75 illiyini və yaradıcılığa başlamasının 55 illiyini qeyd edib.
Səhnəyə çıxan E.Pyexa tamaşaçıları salamlayıb. Azərbaycanda sonuncu dəfə 53 il əvvəl olduğunu deyib.

Salam, gözəlləşmiş, cavanlaşmış Bakı! Mən bu şəhərdə ilk dəfə 1959-cu ildə çıxış etmişəm, o alqışları bu günə kimi xatırlayıram”.
Edita Pyexa bakılı pərəstişkarlarına repertuarındakı ən yaxşı mahnıları – "Gəncliyimin şəhəri”, "Ana”, "Dünyaya gülümsə”, "Sank-Peterburq”u təqdim edib.

İfaçı səhnədə geyimini tez-tez dəyişib.
Qeyd edək ki, Edita Pyexanın konsertini izləməyə gələnlər arasında Rusiyanın Azərbaycandakı səfiri Vladimir Doroxin də olub.

Hansı meyvə hansı xəstəliyin dərmanıdır? Hansı meyvə hansı xəstəliyin dərmanıdır?

elmar-2 — Wed, 05 Dec 2012 14:03:49 GMT

Hansı meyvə hansı xəstəliyin dərmanıdır?

Meyvə və tərəvəz insan orqanizmi üçün çox faydalıdır. Bir çox xəstəliklərin qarşısının alınması və bədənin möhkəmlənməsi üçün meyvə və tərəvəzin qəbul olunması məsləhətdir.

Alma xərçəng xəstəliyinin müalicəsində, xərçəngdən qorunmada, allergiya və ürək damar xəstəliklərində faydalıdır. Gündə ən az qabığı ilə birlikdə 2 alma yemək faydalıdır.

Nar da insan orqanizmi üçün çox faydalıdır. Tərkibindəki bəzi maddələr sayəsində xolesterol və şəkəri tarazlayır. Həmçinin, ürək sağlamlığını qoruyur, qanı artırır. Bu səbəbdən gündə 1 stəkan təzə sıxılmış nar suyunu içmək, yaxud da 2-3 dənə nar yemək faydalıdır.

Son 10 il ərzində alimlərin apardığı araşdırmalar nəticəsində məlum olub ki, qara üzüm xərçəng xəstəliyinə çox faydalıdır. Bundan başqa, qara üzüm ürək damar xəstəlikləri üçün də faydalı sayılır.

Meyvənin qabığı ilə birlikdə yeyilməsi məsləhətdir. Gündə 1-2 stəkan qara üzüm suyu insan orqanizmi üçün çox faydalıdır.

Böyürtkən də insan orqanizmi üçün çox faydalıdır. Böyürtkən xərçəngli hüceyrəli öldürür. Böyürtkən yarpaqları da çox faydalıdır. Onu çay kimi dəmləyib içmək bütün orqanizmdəki mikrobları öldürür və bədənə qüvvət verir

Albalı da insan orqanizmi üçün olduqca faydalıdır. Albalı xərçəng xəstəliyinn meydana gəlməsini və şiddətlənməsinə mane olar. Xüsusilə döş, dəri, ağciyər və qaraciyər kimi xərçəng tiplərində təsiri güclüdür.

Qarpız da insan orqanizmi üçün olduqca xeyirlidir. A və C vitamini cəhətdən zəngin olan qarpızın tərkibindəki faydalı maddələr bədəni xərçəngə qarşı qoruyur, toksik maddələrdən təmizləyir. Həmçinin, böyrəkdə daş olan zaman qarpız yemək çox faydalıdır.

Qırmızı turp insanda ağciyər xərçəngi riskini azaldır, döş xərçəngindən qoruyur. Bol miqdarda turp salatı yemək məsləhətdir. C vitamini ilə zəngin olan qırmızı bibərini yemək çox faydalıdır. O xərçəng hüceyrələrinin böyüməsinin qarşısını alır və immunitet sistemini gücləndirir, bədəni zərərli maddələrdən qoruyur.

Pomidor yemək də olduqca xeyirlidir. Xüsusilə yüngül bişmiş pomidor prostat problemlərindən qoruyur. Pomidor yemək ağciyər və döş xərçənginin yaranmasına mane olur.

Çempionlar Liqası:”Qalatasaray” davam, yoxsa tamam?

elmar-2 — Wed, 05 Dec 2012 14:01:38 GMT

Çempionlar Liqası:”Qalatasaray” davam, yoxsa tamam?

Bu axşam Çempionlar Liqasının qrup mərhələsinin oyunlarına yekun vurulacaq. Son oyun günündə daha 8 qarşılaşma baş tutacaq.
Keçiriləcək 8 oyundan sonra E,F,G və H qruplarında da 1/8 finala vəsiqə qazanan komandaların adlarına aydınlıq gələcək.
Azərbaycan futbolsevərlərinin diqqəti yenidən Portuqaliyaya yönələcək. Burada yerli "Braqa” klubu Türkiyənin "Qalatasaray” komandasını sınağa çəkəcək. "Cim Bom” bu görüşdə qələbə qazanacağı təqdirdə 1/8 finala vəsiqəni təmin edəcək.
Qeyd edək ki, dünən keçirilən oyundan sonra PSJ, "Porto”, "Şalke”, "Arsenal”, "Malaqa”, "Milan”, "Borussiya” (Dortmund) və "Real” (Madrid) komandaları 1/8 finala vəsiqə qazanıblar.

5 dekabr
Çempionlar Liqası, V tur
E qrupu
23:45. "Şaxtyor” (Ukrayna) – "Yuventus” (İtaliya)
23:45. "Çelsi” (İngiltərə) – "Nordsjaelland” (Danimarka)
F qrupu
23:45. "Lill” (Fransa) – "Valensiya” (İspaniya)
23:45. "Bavariya” (Almaniya) – BATE (Belarus)
G qrupu
23:45. "Seltik” (Şotlandiya) – "Spartak” (Moskva, Rusiya)
23:45. "Barselona” (İspaniya) – "Benfika” (Portuqaliya)
H qrupu
23:45. "Braqa” (Portuqaliya) – "Qalatasaray” (Türkiyə)
23:45. "Mançester Yunayted” (İngiltərə) – "ÇFR Kluj” (Rumıniya)